Ułady źbirajucca źmienšyć kolkaść aŭkcyjonaŭ pry prodažy arendnaha žylla

U Biełarusi razhladajuć mahčymaść admianić aŭkcyjony pry prodažy niekatorych vidaŭ arendnaha žylla, jakoje pustuje. Pra heta ŭ efiry «Biełaruś-1» paviedamiŭ namieśnik ministra žyllova-kamunalnaj haspadarki Andrej Ramaška.

Zdymak ilustracyjny. Fota z sacyjalnych sietak

U zaležnaści ad stanu žylla, popytu na jaho i miescaznachodžańnia praduhledžany try varyjanty vykarystańnia: ramont z nastupnaj zdačaj u arendu, prodaž abo znos.

U Biełarusi naličvajecca kala 165 tysiač arendnych žyłych pamiaškańniaŭ ahulnaj płoščaj bolš za 9 miljonaŭ kvadratnych mietraŭ. Kala 75% hetaha fondu — prykładna 125 tysiač pamiaškańniaŭ — składaje žyllo, jakoje žychary nie pryvatyzavali. Pry hetym bolš za 15 tysiač žyłych pamiaškańniaŭ kamunalnaj ułasnaści pustujuć bolš za paŭhoda.

Jak adznačyŭ Ramaška, znos takoha žylla patrabuje značnych vydatkaŭ i nie zaŭsiody ekanamična metazhodny.

Kab spraścić prodaž pamiaškańniaŭ, jakija pustujuć, Ministerstva ŽKH prapanuje źmianić adpaviednyja pracedury. U pryvatnaści, vykankamy mahli b vyznačać zony, dzie žyllo karystajecca bolšym popytam abo znachodzicca na terytoryi pryrodnych zapaviednikaŭ. U takich miescach prodaž prapanujuć pravodzić praz aŭkcyjony, a ŭ inšych vypadkach, kali žyllo možna realizavać pa bazavaj canie, — pradavać biez aŭkcyjonu.

Kamientary da artykuła