Administracyja Trampa pahražaje zabłakavać pastaŭki zbroi Ukrainie z-za atak na rasijskija NPZ
Napiaredadni Donald Tramp abviaściŭ pra enierhietyčnaje pieramirje pamiž Rasijaj i Ukrainaj.
Fota: Andrew Harnik / Getty Images
Ułady ZŠA pahražajuć spynić pracu sistemy zakupak, jakaja zabiaśpiečvaje Ukrainu zbrojaj, kab prymusić Kijeŭ spynić ataki na abjekty enierhietyčnaj infrastruktury ŭ Rasii. Pra heta paviedamlaje Financial Times sa spasyłkaj na jeŭrapiejskich čynoŭnikaŭ.
Pavodle źviestak vydańnia, amierykanskija čynoŭniki na vychodnych źviazvalisia z pradstaŭnikami Ukrainy i jeŭrapiejskich krain. Jany pahražali spynić abmien raźviedvalnaj infarmacyjaj i prypynić pracu miechanizma PURL, z dapamohaj jakoha sajuźniki Ukrainy zakuplajuć dla jaje amierykanskuju zbroju.
Bieły dom admoviŭsia paćviardžać hetuju infarmacyju i kamientavać jaje.
Napiaredadni Donald Tramp abviaściŭ pra enierhietyčnaje pieramirje pamiž Rasijaj i Ukrainaj. Uładzimir Zialenski zajaviŭ, što nie viedaŭ pra takija damoŭlenaści, ale hatovy ich padtrymać, kali ich padtrymaje Rasija.
Čytajcie taksama:
Rasija pakul nie pahadziłasia na enierhietyčnaje pieramirje, pra jakoje abviaściŭ Tramp
Tramp abviaściŭ enierhietyčnaje pieramirje pamiž Rasijaj i Ukrainaj