U Minsku praz ukrainskija drony admianili dva avijarejsy na Maskvu

U Nacyjanalnym aeraporcie Minsk admianili dva rejsy avijakampanii «Biełavija» pamiž Minskam i Maskvoj na fonie abmiežavańniaŭ u maskoŭskich aeraportach. Pra heta śviedčyć elektronnaje tabło minskaha aeraporta, zaŭvažyła vydańnie Reform.news.

Zdymak ilustracyjny. Fota: Lookby.media

Admieniena prybyćcio rejsa B2958 z maskoŭskaha aeraporta Damadziedava, zapłanavanaje na 13:40, a taksama vylet rejsa B2957 u Damadziedava, jaki pavinien byŭ adpravicca ŭ 10:00.

Pierad tym Maskva i Maskoŭskaja vobłaść trapili pad ataku bieśpiłotnikaŭ i nievialikich pavietranych šaroŭ. Žychary paŭdniovych rajonaŭ rasijskaj stalicy paviedamlali pra huki vybuchaŭ i pracu supraćpavietranaj abarony. Va ŭsich čatyroch aeraportach Maskoŭskaha avijacyjnaha vuzła — Unukavie, Damadziedavie, Žukoŭskim i Šaramiećjevie — uviali płan «Dyvan».

Napiaredadni, 8 kastryčnika, samalot, jaki lacieŭ sa Stambuła va Unukava, pieranakiravali ŭ Minsk, vykarystaŭšy jaho jak zapasny aeradrom. Rasavijacyja časova abmiežavała pryjom i vypusk samalotaŭ va Unukavie, Damadziedavie i Žukoŭskim. U viedamstvie patłumačyli hetyja miery nieabchodnaściu harantavać biaśpieku palotaŭ.

Kamientary da artykuła