U Čarnahoryi zatrymali stvaralnika Z-kanała «Rybar» Michaiła Źvinčuka
Siarod zatrymanych — žonka i paplečnica Michaiła Źvinčuka Valeryja Źvinčuk, a taksama jašče troje čałaviek.
Michaił Źvinčuk, stvaralnik prapahanadysckaha kanała «Rybaŕ». Skrynšot ź videa
Michaiła Źvinčuka razam ź niekalkimi jaho supracoŭnikami zatrymali ranicaj 9 kastryčnika ŭ horadzie Rysan, pišuć čarnahorskija vydańni Vijesti i Pobjeda.
Siarod zatrymanych — žonka i paplečnica Michaiła Źvinčuka Valeryja Źvinčuk, a taksama jašče troje čałaviek.
Apieracyju pa zatrymańni praviała čarnahorskaja palicyja ŭ supracoŭnictvie z Ahienctvam nacyjanalnaj biaśpieki krainy. Jana nakiravanaja na «spynieńnie hibrydnaj dziejnaści» padryŭnoj sietki kanałaŭ, jakuju źviazvajuć raźviedupraŭleńniem Minabarony Rasii.
Michaił Źvinčuk — były supracoŭnik pres-słužby Ministerstva abarony Rasii. Telehram-kanał «Rybar» (ciapier u jaho bolš za 1,5 miljona padpisčykaŭ) jon stvaryŭ razam z kaleham Dzianisam Ščukinym.
Vydańnie The Bell pisała, što ŭ finansavańni telehram-kanała ŭdzielničaŭ zasnavalnik PVK «Vahnier» Jaŭhien Pryhožyn.
«Rybaŕ» dy anałahičnyja kanały stali instrumientami manipulacyi hramadskaj śviadomaściu, raspalvańnia nianaviści da Ukrainy i jeŭrapiejskich krain i padrychtoŭki hramadskaj dumki da vajny.