Uitkaf i Kušnier mohuć pryjechać u Maskvu ŭ kastryčniku dla novych pieramovaŭ z Pucinym
Siońnia ŭ Majami adbudziecca sustreča Uitkafa i Kušniera z ukrainskaj i jeŭrapiejskaj delehacyjami.
Pradstaŭniki Pucina Juryj Ušakoŭ i Kirył Dźmitryjeŭ sa Styvam Uitkafam i Džaredam Kušnieram na sustrečy ŭ Kramli, 22 studzienia 2026 hoda. Fota: Alexander Kazakov/Sputnik, Kremlin Pool Photo via AP
Śpiecpasłańniki prezidenta ZŠA Donalda Trampa Styŭ Uitkaf i Džared Kušnier mohuć nieŭzabavie znoŭ naviedać Maskvu, paviedamlaje Axios sa spasyłkaj na krynicy.
Pavodle surazmoŭcaŭ vydańnia, jany mohuć pryjechać u Rasiju ŭ kastryčniku.
Siońnia ŭ Majami adbudziecca sustreča Uitkafa i Kušniera z ukrainskaj i jeŭrapiejskaj delehacyjami. Na joj śpiecpasłańniki Trampa pradstaviać «novyja idei i prapanovy», jakija pavinny dapamahčy vyjści z tupiku ŭ vajnie Rasii suprać Ukrainy, paviedamlajuć amierykanskija i ŭkrainskija aficyjnyja asoby.
Amierykanskaja krynica paviedamiła, što baki, u pryvatnaści, abmiarkujuć prapanovy adnosna harantyj biaśpieki dla Ukrainy i płan paślavajennaha raźvićcia krainy.