Češski ŭrad pašyryŭ mahčymaść atrymać vizy dla biełarusaŭ
Češski ŭrad 5 kastryčnika pryniaŭ rašeńnie pašyryć mahčymaść dla niekatorych hramadzian Biełarusi atrymlivać karotkaterminovyja češskija vizy dla svaich blizkich svajakoŭ, piša «Radyjo Svaboda».
Praha. Zdymak ilustracyjny. Fota: vecteezy.com
Padrabiaznaści novaha rašeńnia pakul nie apublikavanyja. Viadoma, što jano datyčycca biełarusaŭ, jakija majuć hramadzianstva Čechii albo doŭhaterminovy dazvoł na pražyvańnie ŭ hetaj krainie. Jany zmohuć zaprašać u Čechiju svaich pramych svajakoŭ pa ŭzychodnaj abo sychodnaj linii — baćkoŭ, dziadoŭ i babul, dziaciej, unukaŭ i inšych svajakoŭ takoha typu. Na pasiadžeńni ŭrada suprać hetaj prapanovy nichto nie zapiarečyŭ.
Mahčymaści dla hramadzian Biełarusi atrymlivać češskija vizy byli istotna abmiežavanyja ŭ miežach mier, jakija ŭrad Čechii ŭvioŭ paśla pačatku poŭnamaštabnaha rasijskaha ŭvarvańnia va Ukrainu ŭ lutym 2022 hoda.
Pradstaŭnik supołki «Biełaruskaja salidarnaść» u horadzie Brno Andrej Kałavur paviedamiŭ, što biełarusy ŭ Čechii majuć namier damahacca dalejšaha pašyreńnia koła svajakoŭ, dla jakich možna budzie afarmlać zaprašeńni na vizy.
Heta mahčymaść źjaviłasia ŭ vyniku pieramoŭ MZS Čechii z pradstaŭnikami biełaruskaj apazicyi.
«Dziakujem češskamu ministru zamiežnych spraŭ Petru Macinku, češskamu ŭradu i ŭsim, chto spryčyniŭsia da hetaj važnaj spravy.
Hety vynik — plon supolnaj pracy demakratyčnych sił Biełarusi, u tym liku pravaabaroncy Alesia Bialackaha, biełaruskaj dyjaspary i nacmienšaści ŭ Čechii, našych češskich siabroŭ i pieradusim abranaj lidarki Śviatłany Cichanoŭskaj», — padkreśliła dyrektarka Ofisa demakratyčnych sił Biełarusi ŭ Češskaj Respublicy Kryścina Šyjanok.
Čytajcie taksama:
Biełarus atrymaŭ u Polščy mižnarodnuju abaronu, ale jeździć na radzimu
Hramadzianin Čechii pryjechaŭ u Biełaruś praviedać chvoruju maci, a jaho aryštavali
Bolš za 100 pradstaŭnikoŭ biełaruskaj dyjaspary ŭ Čechii sabralisia na kanfierencyju