Poł Makartni raskazaŭ, jak vystupiŭ na viasielli Tejłar Śvift
Śvift paprasiła 84‑hadovuju lehiendu suśvietnaj muzyki vykanać pieśniu 1963 hoda.
Ilustracyjnaje fota: Scott Kowalchyk/CBS via Getty Images
Poł Makartni vystupiŭ na viasielli Tejłar Śvift i Trevisa Kiełsi ŭ Ńju-Jorku, vykanaŭšy pieśniu The Beatles «I Want to Hold Your Hand». Muzykant raskazaŭ, što spačatku pažartavaŭ: prapanavaŭ Śvift samoj praśpiavać hety chit dla svajho žanicha, paviedamiŭ People.
Śvift paprasiła 84‑hadovaha Makartni vykanać pieśniu 1963 hoda na ŭračystaści, jakaja prajšła 3 lipienia ŭ Medysan-skvier-harden.
Muzykant pahadziŭsia, ale prapanavaŭ śpiavačcy dałučycca da jaho na scenie: «Ja skazaŭ: tabie varta padpiavać i praśpiavać jaje svajmu mužčynu».
Nieviadoma, ci vyjšła Śvift u vyniku na scenu razam z Makartni.
Pry hetym vystup staŭ pieršym za bolš čym 60 hadoŭ vykanańniem «I Want to Hold Your Hand» samim Makartni na bujnym mierapryjemstvie.
Na viasielli taksama vystupiła Styvi Niks, daŭniaja muzyčnaja nastaŭnica Śvift.
Sam Kiełsi taksama śpiavaŭ padčas śviatkavańnia. Paźniej jaho brat Džejsan Kiełsi raskazaŭ, što ŭ futbalista zaŭsiody byŭ niadrenny hołas, choć u toj viečar jamu daviałosia kankuravać z prafiesijnymi muzykami.