Cichanoŭskaja: Śmiarotnamu pakarańniu niama i nie moža być miesca ŭ pravavoj i demakratyčnaj dziaržavie
Z 5 pa 10 kastryčnika pravaabarončy centr «Viasna» pravodzić Tydzień suprać śmiarotnaha pakarańnia. Demakratyčnaja lidarka Śviatłana Cichanoŭskaja vykazała svajo staŭleńnie da pytańnia śmiarotnaha pakarańnia, jakoje prymianiajecca ŭ Biełarusi.
«Čałaviečaje žyćcio — najvyšejšaja kaštoŭnaść. Śmiarotnamu pakarańniu niama i nie moža być miesca ŭ pravavoj i demakratyčnaj dziaržavie», — zajaviła Śviatłana Cichanoŭskaja.
«Tydzień suprać śmiarotnaha pakarańnia — nahoda jašče raz skazać pra toje, jakoj my chočam bačyć Biełaruś: krainaj, dzie čałaviečy los i prava na žyćcio abaronienyja zakonam. Ja ŭdziačnaja pravaabaroncam «Viasny», jakija šmat hadoŭ paśladoŭna zmahajucca za admienu śmiarotnaha pakarańnia ŭ Biełarusi i nie dazvalajuć hetaj temie źniknuć z hramadskaj uvahi», — zaznačyła jana.