U Maroka pieršy raz u historyi ŭrad uznačaliła žančyna
Karol Maroka Muchamied VI 29 vieraśnia pryznačyŭ Facimu Ezzachru El-Mansury premjer-ministarkaj krainy. Jana stała pieršaj žančynaj u historyi Maroka, jakaja ŭznačaliła ŭrad.
Facimu Ezzachru El-Mansury. Fota: facebook.com/Elmansouri.Fatima.Ezzahra
Pryznačeńnie adbyłosia paśla parłamienckich vybaraŭ 23 vieraśnia, na jakich Partyja aŭtentyčnaści i sučasnaści (PAM), jakuju ŭznačalvaje El-Mansury, atrymała najbolšuju kolkaść mandataŭ. Pra rašeńnie karala abviaściŭ karaleŭski dvor. El-Mansury była pryniataja Muchamiedam VI u karaleŭskim pałacy, dzie atrymała daručeńnie sfarmavać novy ŭrad.
Pavodle prafiesii Facima Ezzachra El-Mansury advakatka. Raniej jana ŭznačalvała Ministerstva žyllovaha budaŭnictva, a da pryznačeńnia premjer-ministarkaj była meram horada Marakieš.
Novamu ŭradu daviadziecca kiravać šmatmiljardnymi inviestycyjami ŭ prajekty, źviazanyja z praviadzieńniem u Maroka čempijanatu śvietu pa futbole 2030 hoda.
Siarod asnoŭnych zadač novaha kabinieta nazyvajucca baraćba ź inflacyjaj, pavyšeńnie zarobkaŭ i stvareńnie novych pracoŭnych miescaŭ.
Čytajcie taksama:
Ispanija budzie razdavać hramadzianstva žycharam svajoj byłoj afrykanskaj kałonii
Bolš za sotniu mihrantaŭ byli aryštavanyja pry sprobach prarvacca ŭ ispanskuju Sieutu
Maroka nazvała dźvie pryčyny napłyvu mihrantaŭ u Sieutu
Maroka nazvała samuju praciahłuju aŭtatrasu Afryki ŭ honar Trampa