U kancy tydnia pryjduć pieršyja zamarazki
Ale pakul nastupnyja tydni nadvorje budzie vyznačać antycykłon Arno. Mienavita jon prynios pieravažna suchoje i soniečnaje nadvorje.
29 vieraśnia — 1 kastryčnika dniom na poŭdni Biełarusi moža być da +22°C, a siaredniasutačny tempieraturny fon prykładna na 1—2 hradusy vyšej za klimatyčnuju normu.
Ale voś u noč na piatnicu stanie chaładniej. Tempieratura ŭ bolšaści rajonaŭ składzie +1…+8°C. Pry hetym miescami budzie da —2°C.
U noč na subotu budzie jašče chaładniej. U niekatorych rajonach mahčymyja zamarazki da —4°C. Dniom u subotu +11 da +18°C.
Zamarazki buduć i ŭ noč na niadzielu da —3°C.