Biełaruś choča pryvozić na pracu mihrantaŭ ź Niepała
Biełaruś i Niepał damovilisia raspracavać miechanizm arhanizavanaha pryciahnieńnia hramadzian Niepała na pracu ŭ Biełaruś. Pra heta stała viadoma pa vynikach sustrečy ministra zamiežnych spraŭ Biełarusi Maksima Ryžankova ź niepalskim kaleham Šyšyram Chanałam.
Maksim Ryžankoŭ i Šyšyr Chanał. Fota: MZS
Baki damovilisia pravieści mižviedamasnyja kansultacyi i raspracavać miechanizm arhanizavanaha pracaŭładkavańnia hramadzian Niepała ŭ Biełarusi. Kaardynavać pracu buduć ministerstvy zamiežnych spraŭ abiedźviuch krain.
Ministry taksama abmierkavali raźvićcio handlu i turyzmu, a taksama supracoŭnictva na mižnarodnych placoŭkach.