U Biełaviežskaj puščy pabudujuć bolš prastornuju rezidencyju Dzieda Maroza

U Biełaviežskaj puščy płanujuć stvaryć novuju sučasnuju rezidencyju biełaruskaha Dzieda Maroza. Jana pavinna być bolš prastornaj i maštabnaj za ciapierašniuju. Pra heta na pieršym ekałahičnym fiestyvali «Zubr-fest» paviedamiŭ staršynia Bresckaha abłvykankama Piatro Parchomčyk, piša sb.by.

Zdymak ilustracyjny. Fota: belarus.travel

Pavodle słoŭ čynoŭnika, staić zadača ŭžo da nastupnaha Novaha hoda prymać haściej na novaj placoŭcy. Novaja rezidencyja pavinna być bolš sučasnaj, prastornaj i vialikaj.

Jaje stvareńnie razhladajecca jak častka raźvićcia Biełaviežskaj puščy i jaje turystyčnaj infrastruktury. Ułady raźličvajuć pryciahnuć u nacyjanalny park bolš turystaŭ i zrabić jaho miescam, jakoje naviedvajuć na praciahu ŭsiaho hoda.

Ciapierašniaja rezidencyja biełaruskaha Dzieda Maroza adkryłasia ŭ Biełaviežskaj puščy ŭ 2003 hodzie. Jana znachodzicca ŭ hłybini zapaviednaha lesu, bolš čym za dziesiać kiłamietraŭ ad centralnaha ŭvachodu ŭ nacyjanalny park u vioscy Kamianiuki. Raniej na hetym miescy znachodziŭsia zubrahadavalnik, kudy zimoj prychodzili karmicca zubry. Płošča siadziby składaje 15 hiektaraŭ.

U ciapierašni kompleks uvachodzić dom Dzieda Maroza. Na pieršym paviersie raźmieščanyja tronnaja zała i kabiniet, a na druhim — spalnia i bałkon. Pobač znachodziacca asobny domik Śniahurki i «Skarbnica», dzie zachoŭvajucca padarunki, listy, malunki, fatahrafii i vyraby, jakija dasyłajuć dzieci. Taksama na terytoryi pracuje muziej Dzieda Maroza.

U siadzibie jość viatrak, čaroŭny kałodziež, sažałka z Careŭnaj-žabaj, a taksama šmat draŭlanych skulptur i kampazicyj pavodle viadomych kazak. Rezidencyja prymaje naviedvalnikaŭ kruhły hod. Dabracca da jaje možna na transparcie nacyjanalnaha parku ŭ składzie ekskursijnaj hrupy.

Kamientary da artykuła