U centry Minska adkryŭsia novy chutkasny chab dla elektramabilaŭ
U minskim žyłym kompleksie «Kaskad» na vulicy Skryhanava adkryłasia novaja stancyja chutkaj zaradki dla elektramabilaŭ sietki Zaryadka, piša Office Life.
Fota: Zaryadka
Na novym chabie ŭstanoŭlenyja try zaradnyja stancyi mahutnaściu pa 120 kVt. Dźvie ź ich majuć raźjomy GB/T, a treciaja abstalavanaja raźjomami GB/T i CCS. Dziakujučy hetamu tam možna budzie zaradžać elektramabili z roznymi typami padklučeńnia. Adnačasova stancyja zdolnaja absłuhoŭvać da šaści aŭtamabilaŭ.
Ciapier košt zaradki składaje 73 kapiejki za 1 kVt·h. U najbližejšy čas na stancyi płanujuć uvieści načny taryf — 48 kapiejek za 1 kVt·h.
Sietka Zaryadka naličvaje kala 100 stancyj pa ŭsioj Biełarusi, najbolšaja ich kolkaść znachodzicca ŭ Minsku. Adzin z najbujniejšych abjektaŭ sietki — miehachab u handlova-zabaŭlalnym centry Galleria Minsk. Tam pracujuć 16 zaradnych stancyj ahulnaj mahutnaściu 1,3 MVt, jakija mohuć adnačasova zaradžać 22 elektramabili.
Raniej bujny zaradny chab hetaj ža sietki adkryŭsia taksama ŭ Hrodnie.
Čytajcie taksama:
U Minsku pastaviać 5 tysiač zaradnych stancyj dla elektramabilaŭ
U Minsku adkryli zaradny dyskaŭntar dla elektramabilaŭ
Brend Forthing pradstaviŭ u Biełarusi novy elektryčny liftbek