U Hłybockim rajonie adkidy naftapraduktaŭ źlivali prosta ŭ jamu
Kamitet dziaržaŭnaha kantrolu Viciebskaj vobłaści vyjaviŭ niezakonnaje zachavańnie adkidaŭ naftapraduktaŭ na terytoryi adnaho ź dziaržaŭnych pradpryjemstvaŭ Hłybockaha rajona. Pravierka pravodziłasia z udziełam hramadskich inśpiektaraŭ KDK.
Fota: t.me/kgk_oficial
Vyśvietliłasia, što padčas rekultyvacyi ziamielnaha ŭčastka paśla znosu abjekta, jaki nie vykarystoŭvaŭsia sielskahaspadarčym pradpryjemstvam «Aziarcy», demantavali padziemny adstojnik, u jakim znachodzilisia adkidy naftapraduktaŭ. Dla hetaha vykapali katłavan i źlili tudy hetyja adkidy.
Paśla patrabavańnia KDK zabrudžany hrunt vykapali i nakiravali na ŭtylizacyju. Usiaho vyvieźli 18,6 tony hruntu.
Pavodle papiaredniaj acenki, škoda navakolnamu asiarodździu pieravysiła 9 tysiač rubloŭ. Čakajecca, što ŭ najbližejšy čas hetuju sumu spahoniać ź vinavataj asoby.
Taksama razhladajecca pytańnie ab pryciahnieńni vinavatych da administracyjnaj adkaznaści. Pamier štrafu moža skłaści da 1000 bazavych vieličyń.
Čytajcie taksama:
U minskich dvarach źjaviacca kantejniery dla zboru tekstylnych adkidaŭ
Dumajecie, ptušyny pamiot možna pakinuć da nastupnaha myćcia mašyny? Oj nie
U Bierlinie zahadkava źnikajuć vierabji. Navukoŭcy nie viedajuć čamu