Byłomu hiendyrektaru Hrodzienskaha miasakambinata dali siem hadoŭ kałonii
Byłoha dyrektara Hrodzienskaha miasakambinata Aleha Ivanova zvolnili z pasady dyrektara pradpryjemstva i daterminova prybrali ź sienataraŭ u kastryčniku minułaha hoda.
Ivanova abvinavacili ŭ atrymańni chabaraŭ u bujnoj i asabliva bujnoj sumach. Śćviardžałasia, što ź lipienia 2019 da maja 2025 hoda jon atrymaŭ ad piaci kampanij hrošy i kryptavalutu na ahulnuju sumu 1,8 miljona rubloŭ.
Niezakonnyja ŭznaharodžańni pieraličvalisia na rachunki i kašalki jaho dački, jakaja nie viedała pra złačynnaje pachodžańnie srodkaŭ. Za heta dyrektar zabiaśpiečvaŭ zakupku charčovych dabavak u patrebnych pastaŭščykoŭ.
Ciapier staŭ viadomy prysud. Viarchoŭny sud Biełarusi daŭ byłomu dyrektaru miasakambinata siem hadoŭ pazbaŭleńnia voli, a taksama štraf — 5000 bazavych adzinak, ci 225 tysiač rubloŭ, paviedamiła Hienprakuratura.
Skazana, što Ivanoŭ dobraachvotna vypłaciŭ złačynny prybytak i vykanaŭ inšyja abaviazacielstvy pa dasudovaj damovie ab supracoŭnictvie.
Byłomu sienataru taksama na piać hadoŭ zabaranili zajmać pasady, źviazanyja z vykanańniem arhanizacyjna-rasparadčych i administracyjna-haspadarčych abaviazkaŭ.