Kitaj impartavaŭ biełaruskich tavaraŭ na $1,44 miljarda. Što tudy idzie?

U studzieni — žniŭni 2026 hoda Kitaj impartavaŭ ź Biełarusi tavaraŭ prykładna na $1,44 młrd. Bolš za pałovu hetaj sumy prypała na kalijnyja ŭhnajeńni, piša Myfin.by.

Fota ilustracyjnaje

Klučavym tavaram, jaki Kitaj kuplaje ŭ Biełarusi, zastajucca kalijnyja ŭhnajeńni. Pa vynikach 8 miesiacaŭ za impart biełaruskaha kaliju Kitaj zapłaciŭ $903,7 miljona.

U top-5 pazicyj kitajskaha impartu ź Biełarusi taksama ŭvajšli:

• rapsavy alej — $154,7 miljona;
• lesamateryjały pradolna-raśpiłavanyja — $135,1 miljona;
• małočnaja syrovatka; pradukty z naturalnych kampanientaŭ małaka — $44,3 miljona;
• miasa bujnoj rahataj žyvioły, zamarožanaje — $42,8 miljona.

Taksama ŭ 2026 hodzie ź Biełarusi na kitajski rynak pastupajuć celułoza, torfapradukcyja, draŭniana-stružkavyja plity, škłavałakno, miasa i charčovyja subpradukty svojskaj ptuški, šakaład, harełka i inšyja tavary.

Kamientary da artykuła