Stała viadoma, z čyim partretam na papcy Śviatłana Cichanoŭskaja budzie na Hienasamblei AAN
Pres-słužba Śviatłany Cichanoŭskaj apublikavała jaje fota ŭ Ńju-Jorku, kudy demakratyčnaja lidarka pryjechała dla ŭdziełu ŭ pracy Hienieralnaj asamblei AAN. Jana idzie pa vulicy horada z partretam biełaruskaha palitviaźnia na papcy.
Tradycyja źjaŭlacca na važnych mižnarodnych mierapryjemstvach z partretami biełaruskich palitźniavolenych zakładzienaja Śviatłanaj Cichanoŭskaj daŭno. Pieršapačatkova na papcy byŭ partret jaje muža Siarhieja Cichanoŭskaha, ale paśla vyzvaleńnia jaho ŭ červieni 2025 hoda tradycyja praciahnułasia, ale partrety stali mianiacca.
Hetym razam na papcy Cichanoŭskaj — partret błohiera Uładzimira Cyhanoviča, viadomaha jak aŭtar YouTube-kanała MozgON. Za kratami jon znachodzicca z 9 červienia 2020 hoda, a asudžany ažno na 16 hadoŭ źniavoleńnia.
21‑25 vieraśnia Śviatłana Cichanoŭskaja voźmie ŭdzieł u 81‑aj Hienieralnaj Asamblei AAN. U hetyja dni ŭ adnym miescy źbiarucca suśvietnyja lidary, ministry i dypłamaty z usiaho śvietu. Taksama Cichanoŭskaja budzie ŭdzielničać u sustrečach i mierapryjemstvach na palach Asamblei.
Čytajcie taksama:
Cichanoŭskaja adpraviłasia ŭ Ńju-Jork na Hienasambleju AAN
Kavieryn vybačyŭsia za prapanovu eratyčnaj fotasiesii dla Cichanoŭskaj