U centry Baranavičaŭ pačali znosić paślavajenny kvartał draŭlanaj zabudovy
Draŭlanyja damy kolišniaha viedamasnaha kvartała byli pryznanyja nieprydatnymi dla pražyvańnia i znosiacca dziela novaha kamiercyjnaha budaŭnictva.
Ekskavatar znosić dom № 5 pa vulicy Mickieviča. Fota: Barys Navahran, «Naš kraj»
Pra pačatak razboru draŭlanaha dvuchpaviarchovika pa vulicy Mickieviča, 5 paviedamiła rajonnaja hazieta «Naš kraj». Raboty inicyjavała miascovaja žyllova-ramontnaja ekspłuatacyjnaja ŭprava na padstavie rašeńnia Bresckaha abłvykankama ad 2008 hoda, pavodle jakoha brusčatyja damy ź piačnym aciapleńniem pryznali nieadpaviednymi sanitarnym normam.
Dom № 5 pa vulicy Mickieviča z zabitymi doškami voknami i aharodžany stužkaj. Fota: Barys Navahran, «Naš kraj»
Vokny druhoha paviercha z raźbianymi lištvami. Fota: Barys Navahran, «Naš kraj»
Viedamasny kvartał u miežach vulic Mickieviča i Haharyna farmavali piać adnolkavych vaśmikvaternych dvuchpaviarchovych damoŭ, uźviedzienych u 1947—1949 hadach. Pavodle źviestak krajaznaŭcaŭ, na hetaj budoŭli vykarystoŭvali pracu vajennapałonnych miascovaha łahiernaha adździaleńnia № 183, jakija paśla vajny taksama adnaŭlali čyhunačnuju infrastrukturu horada.
Draŭlanyja damy pa vulicy Mickieviča ŭ siaredzinie XX stahodździa. Fota: «Moj rodnoj horod Baranoviči, Biełaruś»
Kanstruktyŭna budynki ŭjaŭlajuć saboj brusčatyja zruby, ašalavanyja zvonku doškaj i pafarbavanyja ŭ zialony koler. Fasady vyłučalisia pramavuholnymi lištvami, raźbianymi mižpaviarchovymi karnizami i fihurnymi kranštejnami, jakija trymajuć navisi nad uvachodami. Unutry zachoŭvałasia aŭtentyčnaja płaniroŭka: vuzkija kalidory z vychadam na nievialikija kuchni, šyrokija draŭlanyja leśvicy z balasinami i kaflanyja piečy siaredziny XX stahodździa.
Ekskavatar znosić dom № 5 pa vulicy Mickieviča. Fota: Barys Navahran, «Naš kraj»
Ekskavatar znosić dom № 5 pa vulicy Mickieviča. Fota: Barys Navahran, «Naš kraj»
Ekskavatar znosić dom № 5 pa vulicy Mickieviča. Fota: Barys Navahran, «Naš kraj»
Da žyłych damoŭ prylahaŭ haspadarčy dvor z draŭlanymi pavieciami, pryznačanymi dla zachoŭvańnia drovaŭ i vuhalu. Hetyja haspadarčyja pabudovy kamunalnyja słužby całkam źnieśli na praciahu 2024—2026 hadoŭ.
Ziamla pad kvartałam maje aficyjny status inviestycyjnaj placoŭki. Pieršym na hetaj terytoryi zrujnavali dom numar 1 na skryžavańni vulic Mickieviča i Savieckaj, dzie paźniej adkryli restaran chutkaha charčavańnia «Mak.by».
Ekskavatar znosić dom № 5 pa vulicy Mickieviča. Fota: Barys Navahran, «Naš kraj»
Dom numar 5 staŭ druhim razabranym žyłym abjektam ansambla. Ciapier na placoŭcy zastajucca dva budynki — pa vulicy Mickieviča, 3 i Haharyna, 55. Žycharoŭ adtul užo adsialili, adnak častka ŭłaśnikaŭ pakul nie zaviaršyła jurydyčnaje afarmleńnie dakumientaŭ na pierachod pravoŭ ułasnaści na novaje žyllo.
Ekskavatar znosić dom № 5 pa vulicy Mickieviča. Fota: Barys Navahran, «Naš kraj»
Ekskavatar znosić dom № 5 pa vulicy Mickieviča. Fota: Barys Navahran, «Naš kraj»
Pavodle infarmacyi kiraŭnictva techničnaha adździeła Baranavickaha ŽREU, abodva pakinutyja damy taksama pryznačanyja pad znos i buduć likvidavanyja adrazu paśla zakryćcia ŭsich jurydyčnych pytańniaŭ z byłymi žycharami.
Nivodzin z budynkaŭ kvartała nie maje statusu historyka-kulturnaj kaštoŭnaści i nie achoŭvajecca dziaržavaj.
Dvuchpaviarchovy dom pa vulicy Mickieviča № 7 / 55 pakul zastaniecca stajać. Fota: Alexia Květ, drewaby.info