У цэнтры Баранавічаў пачалі зносіць пасляваенны квартал драўлянай забудовы
Драўляныя дамы колішняга ведамаснага квартала былі прызнаныя непрыдатнымі для пражывання і зносяцца дзеля новага камерцыйнага будаўніцтва.
Экскаватар зносіць дом № 5 па вуліцы Міцкевіча. Фота: Барыс Навагран, «Наш край»
Пра пачатак разбору драўлянага двухпавярховіка па вуліцы Міцкевіча, 5 паведаміла раённая газета «Наш край». Работы ініцыявала мясцовая жыллёва-рамонтная эксплуатацыйная ўправа на падставе рашэння Брэсцкага аблвыканкама ад 2008 года, паводле якога брусчатыя дамы з пячным ацяпленнем прызналі неадпаведнымі санітарным нормам.
Дом № 5 па вуліцы Міцкевіча з забітымі дошкамі вокнамі і агароджаны стужкай. Фота: Барыс Навагран, «Наш край»
Вокны другога паверха з разьбянымі ліштвамі. Фота: Барыс Навагран, «Наш край»
Ведамасны квартал у межах вуліц Міцкевіча і Гагарына фармавалі пяць аднолькавых васьмікватэрных двухпавярховых дамоў, узведзеных у 1947—1949 гадах. Паводле звестак краязнаўцаў, на гэтай будоўлі выкарыстоўвалі працу ваеннапалонных мясцовага лагернага аддзялення № 183, якія пасля вайны таксама аднаўлялі чыгуначную інфраструктуру горада.
Драўляныя дамы па вуліцы Міцкевіча ў сярэдзіне XX стагоддзя. Фота: «Мой родной город Барановичи, Беларусь»
Канструктыўна будынкі ўяўляюць сабой брусчатыя зрубы, ашаляваныя звонку дошкай і пафарбаваныя ў зялёны колер. Фасады вылучаліся прамавугольнымі ліштвамі, разьбянымі міжпавярховымі карнізамі і фігурнымі кранштэйнамі, якія трымаюць навісі над уваходамі. Унутры захоўвалася аўтэнтычная планіроўка: вузкія калідоры з выхадам на невялікія кухні, шырокія драўляныя лесвіцы з балясінамі і кафляныя печы сярэдзіны XX стагоддзя.
Экскаватар зносіць дом № 5 па вуліцы Міцкевіча. Фота: Барыс Навагран, «Наш край»
Экскаватар зносіць дом № 5 па вуліцы Міцкевіча. Фота: Барыс Навагран, «Наш край»
Экскаватар зносіць дом № 5 па вуліцы Міцкевіча. Фота: Барыс Навагран, «Наш край»
Да жылых дамоў прылягаў гаспадарчы двор з драўлянымі павецямі, прызначанымі для захоўвання дроваў і вугалю. Гэтыя гаспадарчыя пабудовы камунальныя службы цалкам знеслі на працягу 2024—2026 гадоў.
Зямля пад кварталам мае афіцыйны статус інвестыцыйнай пляцоўкі. Першым на гэтай тэрыторыі зруйнавалі дом нумар 1 на скрыжаванні вуліц Міцкевіча і Савецкай, дзе пазней адкрылі рэстаран хуткага харчавання «Мак.by».
Экскаватар зносіць дом № 5 па вуліцы Міцкевіча. Фота: Барыс Навагран, «Наш край»
Дом нумар 5 стаў другім разабраным жылым аб'ектам ансамбля. Цяпер на пляцоўцы застаюцца два будынкі — па вуліцы Міцкевіча, 3 і Гагарына, 55. Жыхароў адтуль ужо адсялілі, аднак частка ўласнікаў пакуль не завяршыла юрыдычнае афармленне дакументаў на пераход правоў уласнасці на новае жыллё.
Экскаватар зносіць дом № 5 па вуліцы Міцкевіча. Фота: Барыс Навагран, «Наш край»
Экскаватар зносіць дом № 5 па вуліцы Міцкевіча. Фота: Барыс Навагран, «Наш край»
Паводле інфармацыі кіраўніцтва тэхнічнага аддзела Баранавіцкага ЖРЭУ, абодва пакінутыя дамы таксама прызначаныя пад знос і будуць ліквідаваныя адразу пасля закрыцця ўсіх юрыдычных пытанняў з былымі жыхарамі.
Ніводзін з будынкаў квартала не мае статусу гісторыка-культурнай каштоўнасці і не ахоўваецца дзяржавай.
Двухпавярховы дом па вуліцы Міцкевіча № 7 / 55 пакуль застанецца стаяць. Фота: Alexia Květ, drewaby.info