U Pakistanie śmiarotnik uzarvaŭ bombu. Zahinuli minimum 17 čałaviek

Na paŭnočnym zachadzie Pakistana zahinuli pa mienšaj miery 17 čałaviek, u tym liku piać palicejskich, u vyniku napadu śmiarotnika. Jon na zaminavanym aŭtamabili ŭrezaŭsia ŭ budynak palicejskaha ŭčastka ŭ horadzie Kachat pravincyi Chajbier-Pachtunchva, paviedamlaje Bi-bi-si.

Fota: AP Photo/Muhammad Sajjad

Napad adbyŭsia padčas piatničnaj malitvy. Unutry budynka znachodziłasia miačeć, dzie malilisia supracoŭniki palicyi, členy ich siemjaŭ i inšyja ludzi. Paśla vybuchu ŭzbrojenyja ludzi, jakija supravadžali śmiarotnika, adkryli ahoń. Pamiž napadnikami i palicyjaj adbyłasia pierastrełka. Adnaho z napadnikaŭ, jaki mieŭ pojas z vybuchoŭkaj, palicejskija zastrelili.

Načalnik palicyi pravincyi Zulfikar Chamid nazvaŭ toje, što adbyłosia, teraktam, ździejśnienym śmiarotnikam. Nichto pakul nie ŭziaŭ na siabie adkaznaść za napad.

Prezident Pakistana Asif Ali Zardary pažadaŭ chutčejšaha vyzdaraŭleńnia paciarpiełym. Premjer-ministr krainy Šachbaz Šaryf taksama asudziŭ vybuch.

U apošnija miesiacy ŭ prymiežnych rajonach Pakistana prykmietna ŭzrasła aktyŭnaść uzbrojenych hrupovak, jakija atakujuć vajskoŭcaŭ i palicyju. Ułady Pakistana śćviardžajuć, što bajeviki vykarystoŭvajuć chovanki na terytoryi Afhanistana dla padrychtoŭki i płanavańnia napadaŭ. Afhanski ruch Taliban, jaki pryjšoŭ da ŭłady ŭ krainie, hetyja abvinavačańni admaŭlaje i zajaŭlaje, što prablema dziejnaści bajevikoŭ źjaŭlajecca ŭnutranaj spravaj Pakistana.

Kamientary da artykuła