Ci maje prava ŭładalnik kvatery naviedvać jaje arandataraŭ biez papiaredžańnia?
Kali ŭładalnik zdaje kvateru ŭ arendu, heta nie aznačaje, što jon moža ŭ luby momant biez papiaredžańnia zachodzić u žyłoje pamiaškańnie, tłumačyć na sb.by advakatka Julija Jepichava.
Zdymak ilustracyjny. Fota: vecteezy.com
Jak tłumačyć Julija Jepichava, paśla zaklučeńnia damovy najmu kvatera pieradajecca arandataru ŭ vałodańnie i karystańnie. Tamu na čas dziejańnia damovy arandatar maje prava na niedatykalnaść žylla, navat kali ŭłaśnikam kvatery zastajecca inšy čałaviek.
Zvyčajna ŭładalnik pavinien zahadzia ŭzhadnić z arandataram svoj vizit. Samastojna adčyniać dźviery ŭłasnym klučom i zachodzić biez zhody žychara jon nie maje prava.
Vyklučeńni mahčymyja ŭ vypadkach, praduhledžanych zakonam — naprykład, pry avaryi, pahrozie paškodžańnia kvatery abo niebiaśpiecy dla inšych ludziej. Dostup taksama moža być dazvoleny ŭmovami samoj damovy najmu.
Tamu arandataram rekamiendujuć zahadzia prapisvać u damovie praviły naviedvańnia kvatery ŭładalnikam. Naprykład, možna praduhledzieć papiaredniaje paviedamleńnie i vizity ŭ zahadzia ŭzhodnieny čas.
Čytajcie taksama:
«Strachavali kvateru, kab być spakojnymi, a ŭ vyniku…» Adnapakajoŭku minčan surjozna zatapiła
Ad byłoha ŭłaśnika kvatery zastaŭsia doŭh — ciapier jaho treba apłacić pakupniku?
Minčanka zdała kvateru «jurystu Andreju» i ŭžo dziesiać miesiacaŭ nie moža vysielić niepłacielščyka
Ci mohuć čałavieka nie puścić u kramu za piać chvilin da jaje zakryćcia?