Tramp apublikavaŭ kartu, na jakoj u skład ZŠA uklučanyja ŭsia Paŭnočnaja i Centralnaja Amieryka, a taksama Isłandyja

Publikacyja karty vyklikała rezkuju reakcyju ŭ Isłandyi i Danii.

Ministarka zamiežnych spraŭ Isłandyi Terherdur Katryn Hunarsdocir vyklikała ambasadara ZŠA ŭ Rejkjaviku na razmovu. Jana nazvała publikacyju karty «całkam niedarečnaj».

Urad Danii taksama raskrytykavaŭ kartu. Premjer-ministarka krainy Miete Frederyksen zajaviła, što žychary Hrenłandyi ŭžo nieadnarazova vykazvalisia suprać uvachodžańnia ŭ skład ZŠA. Pavodle jaje słoŭ, Hrenłandyja nie pradajecca, a svaju budučyniu pavinny vyrašać sami hrenłandcy.

Padobnuju pazicyju vykazaŭ i premjer Hrenłandyi Jens-Frederyk Nilsen. Jon zaklikaŭ pavažać terytaryjalnuju cełasnaść vostrava i normy mižnarodnaha prava.

Pry hetym Tramp nie supravadziŭ apublikavanuju ŭ Truth Social kartu nijakim tłumačeńniem.

Kamientary da artykuła