Byłoha treniera zbornaj Biełarusi pa baskietbole dyskvalifikavali na piać hadoŭ
Rymantasa Hryhasa abvinavačvali ŭ seksualnych damahańniach.
Mižnarodnaja fiederacyja baskietboła zabaraniła litoŭskamu śpiecyjalistu Rymantasu Hryhasu zajmać jakija-niebudź pasady ŭ baskietbole da 27 kastryčnika 2030 hoda, piša Bet news.
Taksama dyscyplinarnaja kamisija FIBA nakłała na Hryhasa štraf 12 000 šviejcarskich frankaŭ (12 768 jeŭra).
Raniej Hryhasa, jaki ŭ 2012—2014 hadach uznačalvaŭ žanočuju zbornuju Biełarusi, abvinavačvali ŭ seksualnych damahańniach. U adpaviednyja orhany pastupili skarhi ad baskietbalistak zbornaj Litvy, jakija vyrašyli nie nazyvać svaich imionaŭ.