U Minsku baćkoŭ pazbavili pravoŭ na piaciarych dziaciej
Raniej siamji ŭžo davali šaniec vypravić situacyju.
U 2025 hodzie sud admoviŭsia pazbaŭlać maci i baćku pravoŭ i papiaredziŭ ich ab nieabchodnaści źmianić staŭleńnie da vychavańnia. Adnak praź niekatory čas dziaciej znoŭ daviałosia zabrać ź siamji, pišuć Minsk-Naviny.
Havorka idzie pra čatyroch chłopčykaŭ 2018, 2020, 2022 i 2023 hadoŭ naradžeńnia i dziaŭčynku 2023 hoda naradžeńnia.
Paśla pieršaha suda dziaciej viarnuli baćkam, ale paźniej siamju znoŭ pryznali takoj, što znachodzicca ŭ sacyjalna niebiaśpiečnym stanoviščy. Zatym pryznali, što dzieci majuć patrebu ŭ dziaržaŭnaj abaronie, i źmiaścili ŭ prytułak.
Baćki złoŭžyvali ałkaholem, doma sistematyčna nie było praduktaŭ i pryhatavanaj ježy. Paśla taho jak dziaciej zabrali, sužency nie likvidavali pryčyny.
U sudzie maci i baćka vystupali suprać pazbaŭleńnia baćkoŭskich pravoŭ. Jany zajaŭlali, što lubiać dziaciej, chočuć viarnuć ich dadomu i sprabujuć spravicca z ałkaholnaj zaležnaściu.
Tym nie mienš sud zadavoliŭ pazoŭ upraŭleńnia pa adukacyi i pazbaviŭ sužencaŭ baćkoŭskich pravoŭ u dačynieńni da ŭsich piaciarych dziaciej.
Baćki abskardzili rašeńnie, adnak jaho pakinuli bieź źmienaŭ. Ciapier jano ŭžo ŭstupiła ŭ zakonnuju siłu.