Zdajecca, u Kryściny Cimanoŭskaj novy raman

Zaraz biahucha razam z maładym mužčynam adpačyvaje na italjanskim voziery Koma.

Kryścina Cimanoŭskaja z novym siabram. Fota ź instahrama Kryściny Cimanoŭskaj

U pačatku žniŭnia Kryścina Cimanoŭskaja raskazała svaim padpisčykam u instahramie, što bolš nie niaviesta ŭkrainca Alaksandra Sałonskaha. Jana paviedamiła, što pryhožaja historyja kachańnia, jakaja pačałasia kala troch hadoŭ tamu ŭ Hrecyi, a letaś dajšła da pryhožaj prapanovy ruki i serca ŭ Ńju-Jorku, skončyłasia razryvam.

Ale ŭ chutkim časie spartoŭka pačała rabić u błohu namioki na novyja adnosiny.

Niadaŭna Cimanoŭskaja zdabyła miedal na čempijanacie Jeŭropy pa lohkaj atletycy. Jana ŭdzielničała ŭ składzie zbornaj Polščy ŭ estafiecie 4ch100 mietraŭ. Spartsmienki stali trecimi.

Pakazvajučy, jak jana śviatkuje miedal, Kryścina apublikavała fotazdymak z maładym mužčynam. Dla muzyčnaha supravadžeńnia dopisu biahucha abrała pieśniu sa słovami «I nijakaha niama sensu ŭ žyćci, aproč kachańnia».

Mužčyna taksama apublikavaŭ u siabie ŭ sacsietkach padborku fotazdymkaŭ sa spartoŭkaj, dy zrabiŭ podpis: «Leta z Kryścinkaj».

Kryścina Cimanoŭskaja i Artur Sazinaŭ. Fota ź jaho Threads

Pa storys Kryściny bačna, što jany šmat času baviać razam. A ciapier voś palacieli adpačyvać u Italiju i publikujuć foty z voziera Koma.

Kryścina Cimanoŭskaja i Artur Sazinaŭ na voziery Koma. Skrynšot videa ŭ instahramie biahuńni

Chto ž novy siabar Kryściny Cimanoŭskaj? Miarkujučy pa sacsietkach, heta ŭkrainiec Artur Sazinaŭ, jaki pracuje mieniedžaram pa finansavym płanavańni i analitycy ŭ miedycynska-technałahičnaj kampanii ŭ Varšavie.

Kryścina Cimanoŭskaja i Artur Sazinaŭ. Fota ź jaho Threads

Žurnalistam spartsmienka nie stała kamientavać svaje adnosiny.

Kamientary da artykuła