Biełarusa asudzili ŭ Maskvie za kradziež z seks-šopa
U Maskvie 26‑hadovaha biełarusa asudzili za kradziež z seks-šopa. Chłopiec vynies adtul biez apłaty realistyčny simulatar nižniaj častki žanočaha cieła, piša Shot.
Ilustracyjny zdymak. Fota: Mike Kemp / In Pictures via Getty Images
Pavodle vydańnia, biełarus zajšoŭ u kramu i paprasiŭ pradaŭca prynieści jamu seks-cacku. Daviedaŭšysia, što tavar kaštuje 21 tysiaču rasijskich rubloŭ — kala 750 biełaruskich, mužčyna vyrašyŭ jaho nie kuplać. Zamiest hetaha jon uziaŭ humovaje tułava pad pachu i vybieh z kramy, nie reahujučy na kryki pradaŭcoŭ.
Ale źbiehčy mužčynu nie ŭdałosia: zdareńnie trapiła na kamiery videanazirańnia. Palicyja zatrymała chłopca, a skradzieny tavar u jaho zabrali.
U sudzie jon pryznaŭ vinu i paprasiŭ prabačeńnia. Taksama vyśvietliłasia, što jon pracuje i finansava dapamahaje baćkam i babuli.
Sud pryznačyŭ chłopcu za rabavańnie 240 hadzin abaviazkovych rabot.