Ci možna pradavać chatniuju vypiečku ŭłasnaha pryhatavańnia ŭ svaim dvary?

U sacyjalnych sietkach źjaviłasia videa, dzie dzieci razam z baćkami pradajuć u dvary šmatpaviarchovaha doma chatni limanad i vypiečku. Adnak pavodle biełaruskaha zakanadaŭstva rabić heta nielha, tłumačyć jurystka vydańniu «Arhumienty i fakty v Biełarusi».

Zdymak ilustracyjny. Fota: magnific.com

Jak patłumačyła advakatka Kryścina Jakuta-Marčuk, fizičnyja asoby biez statusu indyvidualnaha pradprymalnika mohuć handlavać tolki ŭ śpiecyjalna vyznačanych miascovymi ŭładami miescach. Pry hetym pieralik tavaraŭ, dazvolenych dla takoha prodažu, abmiežavany.

Biez rehistracyi IP možna pradavać, naprykład, užyvanyja niecharčovyja tavary, pradukcyju, sabranuju ŭ dzikaj pryrodzie, a taksama sielskahaspadarčuju pradukcyju, vyraščanuju na ŭłasnym ziamielnym učastku.

Chatniaja vypiečka i inšyja pradukty ŭ hety pieralik nie ŭvachodziać. Tamu prodaž takoj pradukcyi ŭ dvarach žyłych damoŭ, a taksama na vulicach, u parkach, skvierach i na stadyjonach zabaronieny. Za niezakonny handal možna atrymać štraf.

Kamientary da artykuła