U Łošyckim parku pačali adnaŭlać histaryčnyja młyn i kaplicu
U Łošyckim siadzibna-parkavym kompleksie pačalisia raboty pa rekanstrukcyi histaryčnych młyna i kaplicy, paviedamlaje ahienctva «Minsk-Naviny».
Fota: «Minskbud»
Adnačasova raboty viaducca na abodvuch abjektach. Padradčykam vystupaje toje ž pradpryjemstva, jakoje raniej zajmałasia adnaŭleńniem histaryčnaj zabudovy XVIII—XIX stahodździaŭ na vulicy Čyžeŭskich, 17 i ŭ zavułku Čyžeŭskich, 5 i 6.
Fota: «Minskbud»
Na młynie ciapier umacoŭvajuć padmurak. Kanstrukcyi armujuć i bietanujuć jak z vonkavaha, tak i z unutranaha boku. Dalej płanujecca zrabić hidraizalacyju i zvarotnuju zasypku, paśla čaho ŭnutry budynka ŭładkujuć buranabiŭnyja pali pa jahonym kontury.
Na terytoryi kaplicy pravodziacca archieałahičnyja daśledavańni. Śpiecyjalisty raskryli padmurak zachavanaj častki budynka, a taksama znojdzienuju padmurkavuju častku stračanaj častki kaplicy. Jana zroblenaja z butavaha kamieniu i taksama patrabuje ŭmacavańnia znutry i zvonku.
Fota: «Minskbud»
Akramia hetaha, na placoŭcy padsypajuć schił i farmujuć adchony, kab palepšyć reljef terytoryi, jaki pieršapačatkova byŭ nie vielmi zručnym dla budaŭnictva.
Važnuju rolu ŭ rekanstrukcyi abjektaŭ adyhryvajuć archieołahi. Jany pracujuć na abiedźviuch placoŭkach i šukajuć artefakty, jakija mohuć dapamahčy bolš dakładna adnavić historyju hetych budynkaŭ.
Čytajcie taksama:
U Łošyckim parku adnoviać razburanyja kaplicu i młyn. Jak jany buduć vyhladać paśla rekanstrukcyi
Čaćviortaja šylda za 2,5 hoda. Na miescy Green u «Łošycy» adčyniłasia novaja sietkavaja krama