U minskich dvarach da kanca hoda vysadziać 23 tysiačy dreŭ i kustoŭ
U Minsku praciahvajecca maštabnaje azielanieńnie žyłych kvartałaŭ. Drevy i kusty nie tolki robiać dvary bolš pryhožymi i ŭtulnymi, ale i dapamahajuć ačyščać pavietra, źnižać šum i abaraniać žyłyja damy ad darožnaha pyłu, a ŭ haračyja dni stvarajuć cień.
Fota: ŽKH Minska
Usiaho ŭ 2026 hodzie ŭ dvarach stalicy płanujecca vysadzić 7,3 tysiačy dreŭ i 40,4 tysiačy kustoŭ. Značnuju častku raślin pasadzili padčas viasnovaj kampanii, adnak vosieńniu raboty buduć praciahnutyja.
Na vosień zapłanavanaja vysadka jašče kala 3 tysiač dreŭ i 20 tysiač kustoŭ. Śpiecyjalisty padbirajuć parody z ulikam haradskich umoŭ. Raśliny pavinny dobra vyhladać, być ustojlivymi da vietru, marazoŭ i zasuchi, a taksama stvarać svojeasablivuju achoŭnuju pałasu pamiž darohami i žyłymi damami.
Siarod najbolš prydatnych dla minskich dvaroŭ parod nazyvajuć lipu, biarozu, klon, rabinu, bez, jadłoviec i pichtu.
Čytajcie taksama:
Žychary ahraharadka pad Homielem stohnuć ad našeścia «šalonaha ahurka»
U Viciebsku pastavili kvietnik u formie dziaŭčyny z vasilkami FOTA
U Minsku masava chvarejuć kaštany. U čym pryčyny i ci možna što z hetym zrabić?
Śpiecyjalisty patłumačyli, čamu ŭ Minsku dahetul nie raspuścilisia jasieni