Zialenski: Ukraina zakryvaje nieba Rasii dla cyvilnaj avijacyi

Prezident Ukrainy Uładzimir Zialenski papiaredziŭ avijakampanii i strachavyja kampanii, jakija praciahvajuć karystacca rasijskaj pavietranaj prastoraj i aeraportami, što rasijskaje nieba robicca całkam niebiaśpiečnym.

Ilustracyjnaje fota: LookByMedia

Uładzimir Zialenski zajaviŭ, što Ukraina nie maje namieru pahražać cyvilnaj avijacyi abo cyvilnym samalotam. Adnak praz vajnu i aktyŭnaje vykarystańnie bieśpiłotnikaŭ rasijskaje nieba faktyčna stanovicca ŭsio bolš niebiaśpiečnym dla palotaŭ.

«Ukraina nie pahražaje cyvilnaj avijacyi jak takoj — nivodnamu cyvilnamu samalotu. Prosta drony ŭ niebie Rasii buduć, tak što treba na heta zvažać. Choć rasijskija ŭłady pra heta nie paviedamlajuć jak naležyć, ale rasijskaje nieba de-fakta budzie zakryvacca: vajna, raźviazanaja Rasijaj, zakryvaje jaje nieba», — śćviardžaje Zialenski.

Ukraina zaklikaje pasłoŭ zamiežnych dziaržaŭ, jakija pracujuć u Kijevie i Maskvie, danieści hetuju infarmacyju da svaich uradaŭ. Asabliva heta tyčycca krain, hramadzianie jakich lotajuć u Maskvu, Sankt-Pieciarburh i pa inšych klučavych rasijskich napramkach.

Ministerstva zamiežnych spraŭ Ukrainy i inšyja dziaržaŭnyja struktury majuć namier pieradać mižnarodnym arhanizacyjam poŭnuju infarmacyju pra ryzyki dla cyvilnaj avijacyi ŭ rasijskaj pavietranaj prastory.

«Cyvilnaj avijacyi siarod dronaŭ nie miesca», — padkreślivaje Uładzimir Zialenski.

Kamientary da artykuła