Siaredniaja praciahłaść žyćcia ŭ Minsku składaje 77,9 hoda

Pra siaredniuju praciahłaść žyćcia ŭ biełaruskaj stalicy paviedamiŭ staršynia kamiteta pa pracy, zaniataści i sacyjalnaj abaronie Minharvykankama Piotr Šućko. Pavodle jaho słoŭ, śpiecyjalisty prahnazujuć, što da 2040 hoda hety pakazčyk pieravysić 80 hadoŭ.

Zdymak ilustracyjny. Fota: «Naša Niva»

U Minsku žyvuć kala 476 tysiač piensijanieraŭ, ź ich prykładna 200 tysiač — ludzi va ŭzroście bolš za 70 hadoŭ.

Pažyłyja ludzi źjaŭlajucca adnymi z asnoŭnych atrymalnikaŭ pasłuh terytaryjalnych centraŭ sacyjalnaha absłuhoŭvańnia. U ich dziejničajuć kala 310 hurtkoŭ i kłubaŭ, jakija naviedvajuć bolš za 7 tysiač čałaviek. Najbolš papularnyja zaniatki, źviazanyja sa sportam i azdaraŭleńniem, kampjutarnaj i finansavaj hramatnaściu, rukadziellem i prykładnym mastactvam.

U sacyjalnych pansijanatach stalicy ciapier žyvuć kala 3,5 tysiačy čałaviek, a ich zapoŭnienaść składaje prykładna 97%.

U Minsku pracujuć vosiem stacyjanarnych sacyjalnych ustanoŭ. U minułym hodzie ŭviali ŭ ekspłuatacyju dva novyja karpusy, jašče dva abjekty płanujuć zaviaršyć u nastupnym hodzie. U pryvatnaści, na vulicy Vyhockaha budujecca dziciačy pansijanat, a na vulicy Anharskaj praciahvajecca rekanstrukcyja pansijanata «Harmonija».

Kamientary da artykuła