Pajezdki na taksi 1 vieraśnia mohuć padaražeć

U Dzień viedaŭ, 1 vieraśnia, taryfy ŭ servisie «Jandeks Go» mianiacca nie buduć. Adnak košt pajezdki moža akazacca vyšejšym za zvyčajny praź vialiki popyt i niedachop svabodnych mašyn, papiaredzili ŭ kampanii.

Fota ilustracyjnaje

U hety dzień mnohija ludzi adnačasova zakazvajuć taksi, kab trapić na školnyja liniejki. Pry hetym častka kiroŭcaŭ taksama vozić svaich dziaciej u škoły i moža nie vyjści na liniju. Tamu, kali achvotnych pajechać stanovicca bolš, čym svabodnych aŭtamabilaŭ, u servisie aŭtamatyčna ŭklučajecca pavyšalny kaeficyjent.

Pavodle «Jandeks Go», 1 vieraśnia popyt pačynaje istotna raści prykładna z 7:35 ranicy. Najbolš zakazaŭ zvyčajna prypadaje na 9:00, 9:30 i 9:50, tamu ŭ hety čas pajezdki mohuć kaštavać daražej. Paśla 9:55 popyt, jak praviła, źnižajecca, i zakazać taksi moža być bolš vyhadna.

U dadatku jość śpiecyjalny indeks cany, jaki pakazvaje situacyju z kolkaściu svabodnych mašyn. Zialony koler aznačaje, što aŭtamabilaŭ dastatkova i dziejničaje zvyčajnaja cana. Aranžavy abo čyrvony pakazvajuć na deficyt mašyn i bolš vysokuju canu.

Kab aščadzić, servis moža prapanavać pasažyru krychu pačakać abo prajści niekalki chvilin da miesca pasadki. Takija varyjanty dapamahajuć źnizić košt pajezdki i adnačasova dazvalajuć kiroŭcam chutčej brać nastupnyja zakazy.

Kamientary da artykuła