Žančyny nabrali stolki hryboŭ, što ź lesu vyvozili kaniom VIDEA
Biełaruskija amatary «cichaha palavańnia» viartajucca ź lesu z poŭnymi košykami i viodrami, a niekatorym udajecca naźbirać stolki, što biez kania i voza ŭžo nie abyścisia, piša Tochka.by.
Skrynšot ź videa
Dźvium biełaruskim žančynam jakraz spatrebiŭsia taki transpart. Jany naźbirali vielizarnuju kolkaść lisičak i vyvieźli ŭvieś uradžaj ź lesu vozam. Kadry ź niezvyčajnym «hrybnym ułovam» adna z žančyn apublikavała ŭ tyktoku.
Na videa bačna, što voz amal całkam zapoŭnieny viodrami i pakietami z hrybami.
U kamientarach ludzi ździŭlalisia takomu ŭradžaju. Adnyja pytalisia, navošta źbirać až hetulki lisičak, inšyja žartavali, što hałoŭnaja prablema ciapier — nie naźbirać, a pierabrać i pierapracavać usio heta. Niekatoryja prosta cikavilisia, u jakim lesie možna znajści stolki hryboŭ.
Aŭtarka videa patłumačyła, što źbiraje lisički dla siabie i blizkich, a častku ŭradžaju płanuje vykarystać dla pryhatavańnia salanki. Pa jaje słovach, pierabirać takuju kolkaść hryboŭ jana nie baicca.
A voś svajo ŭdałaje hrybnoje miesca žančyna raskryvać nie stała.
Čytajcie taksama:
U Biełarusi znajšli baravik pamieram ź viadro FOTA
U Lidzie troje zamiežnikaŭ atrucilisia hrybami
«Adzin z najhoršych». Ekśpiert acaniŭ hrybny siezon
U Biełaviežskaj puščy znajšli hryb, jaki nie sustrakajecca bolš nidzie ŭ Jeŭropie