Padpolščyca, jakaja padkłała bombu pad mašynu padpałkoŭnika ŭ Pieciarburhu, zdoleła pakinuć Rasiju
Bombu pad aŭtamabil zahinułaha ŭ Pieciarburhu vajskoŭca ŭstanaviła 24‑hadovaja dziaŭčyna, jakaja 27 žniŭnia palacieła praz Turcyju ŭ Małdovu, piša Fontanka.
Z 24‑hadovaj rasijankaj niekalki miesiacaŭ tamu ŭ miesiendžary źviazalisia nieviadomyja, a zatym i «pradstaŭniki USU». Ź dziaŭčynaj nibyta viali razmovy pra vajnu i palityku, paśla čaho prapanavali zakłaści samarobnaje vybuchovaje prystasavańnie pad peŭny aŭtamabil, a paśla vykanańnia — źjechać z Rasii va Ukrainu.
Dziaŭčyna sama rodam nie ź Pieciarburha.
Jana zakłała vybuchovaje prystasavańnie ŭviečary 26 žniŭnia pad dno aŭtamabila i adrazu paśla hetaha adpraviłasia ŭ aeraport Pułkava, adkul vylecieła a 5‑j ranicy 27 žniŭnia ŭ Turcyju.
Jak piša vydańnie, rasijskija siłaviki vyznačyli asobu dziaŭčyny i źviazalisia z tureckimi kalehami, kab jaje zatrymali ŭ Turcyi, ale da taho času jana ŭžo palacieła ŭ Kišynioŭ.