U Armienii zatrymali byłoha prezidenta Kačarana
Supracoŭniki pravaachoŭnych orhanaŭ Armienii ranicaj 25 žniŭnia zatrymali i dastavili ŭ Antykarupcyjny kamitet byłoha prezidenta respubliki Robierta Kačarana, piša News.am.
U ramkach kryminalnaj vytvorčaści pa niekalkich dziasiatkach adrasoŭ pravodziacca pieratrusy i inšyja pracesualnyja dziejańni. Pieratrusy pravodziacca ŭ domie byłoha prezidenta, a taksama ŭ domie jaho syna Levona Kačarana — deputata ad błoka «Armienija».
U paniadziełak, 24 žniŭnia, premjer-ministr Armienii Nikoł Pašynian ustupiŭ u sprečku ź Levonam Kačaranam. Paśla hetaha, pavodle źviestak armianskich ŚMI, Pašynian rasparadziŭsia pačać śledčyja dziejańni ŭ dačynieńni da Kačaranaŭ.
Robiert Kačaran byŭ pieršym prezidentam samaabvieščanaha Nahornaha Karabacha (1994—1997), prezidentam Armienii ŭ 1998‑2008 hadach. U červieni jamu zabaranili pakidać krainu. Kačaran ličycca prarasijskim palitykam.