Hałoŭnaha rasijskaha prapahandysta Dźmitryja Kisialova adchilili ad efiru «Viestiej niedieli»
Aficyjna heta padajecca jak «zapusk novaha aŭtarskaha prajekta».
Dźmitryj Kisialoŭ sychodzić z pasady viadučaha hałoŭnaj vynikovaj prahramy «Viesti niedieli» na telekanale «Rośsija 1», jakuju jon rabiŭ z 2012 hoda i jakaja ličyłasia asnoŭnaj fłahmanskaj placoŭkaj Kramla pa niadzielach. Zamiest jaje jamu dali aŭtarski prajekt «Kisielev», jaki budzie vychodzić poźnim viečaram u niadzielu, u 22:00.
Novym tvaram i viadučym «Viestiej niedieli» stanie inšy prapahandyst — Jaŭhien Papoŭ.
«Viesti niedieli» — heta hałoŭny prapahandyscki instrumient VHTRK z najvyšejšymi rejtynhami. Pieradača efiru Papovu — heta faktyčna adchileńnie Kisialova ad hałoŭnaha prapahandysckaha rupara Rasii.
Novaja prahrama «Kisielev» skiravanaja vyklučna na piersanalny kamientaryj, a sama prahrama vycisnuta z prajm-tajmu.
Pieršy vypusk zapłanavany na 6 vieraśnia.
Ab zvalnieńni Kisialova z prahramy i jaho zamienie na Papova na minułym tydni paviedamiŭ kanał «VČK-OHPU». Taksama jon pisaŭ, što Kisialoŭ pazbavicca pasady hiendyrektara «Rośsija siehodnia». Pakul hetaja infarmacyja nie paćvierdžanaja.