U Biełarusi źbirajucca zabaranić rekłamu kazino ŭ internecie
Prapanujuć i inšyja abmiežavańni pa rekłamie azartnych hulniaŭ.
Ilustracyjnaje fota: «Naša Niva»
U Biełarusi padrychtavany zakonaprajekt, jaki abmiažuje rekłamu azartnych hulniaŭ. Ministerstva antymanapolnaha rehulavańnia i handlu paviedamlaje, što prajekt užo adpravili na ŭzhadnieńnie.
Što prapanujecca?
Zabaranić u internecie i transparcie rekłamu azartnych i elektronnych interaktyŭnych hulniaŭ, ihralnych zakładaŭ (za niekatorym vyklučeńniem). Taksama chočuć abmiežavać čas takoj rekłamy na telebačańni i radyjo.
Źbirajucca zabaranić vykarystoŭvać u rekłamie kazino vobrazy ludziej i žyvioł.
U rekłamie taksama nie pavinna być infarmacyi pra bonusy, jakija mohuć vykarystoŭvacca dla stavak u ihralnych zakładach.