Niezvyčajny dla Biełarusi hulniavy kubik znajšli archieołahi ŭ Miorskim rajonie

Padčas letnich archieałahičnych raskopak kala vioski Dryhuci ŭ Miorskim rajonie navukoŭcy znajšli redki dla biełaruskaj archieałohii pradmiet — kaściany hulniavy kubik XVI stahodździa. Jon byŭ znoŭdzieny ŭ słai zharełaha budynka druhoj pałovy XVI stahodździa, piša sb.by.

Fota Marata Klimava

Ekśpiedycyja Instytuta historyi NAN Biełarusi pad kiraŭnictvam staršaha navukovaha supracoŭnika Marata Klimava daśledavała miesca šlachieckaj siadziby, jakaja isnavała ŭ siaredzinie — druhoj pałovie XVI stahodździa. Pavodle papiaredniaj viersii, siadziba była spalena vojskami Ivana Žachlivaha ŭ 1563—1579 hadach padčas Inflanckaj vajny.

Fota Marata Klimava

Znachodki śviedčać, što da vajny siadziba była zamožnym centram handlu. Archieołahi znajšli frahmienty pryvaznoha posudu, što moža śviedčyć pra aktyŭnyja handlovyja suviazi pamiž Połackam i Ryhaj.

Fota Marata Klimava

Najbolš niezvyčajnaj znachodkaj staŭ nievialiki kaściany kubik, jaki vykarystoŭvaŭsia dla azartnych hulniaŭ. Dla biełaruskaj archieałohii takija pradmiety sustrakajucca vielmi redka. Jaho znachodka dazvalaje mierkavać, što žychary siadziby nie tolki zajmalisia handlem, ale i mieli zvyčajnyja dla taho času zabavy.

Archieołahi płanujuć praciahnuć daśledavańni ŭ nastupnych palavych siezonach, kab bolš dakładna vyśvietlić abstaviny źniščeńnia siadziby i daviedacca pra štodzionnaje žyćcio jaje žycharoŭ.

Kamientary da artykuła