U Łatvii na miažy ź Biełaruśsiu znajšli adzin padziemny tunel dla nielehalnych mihrantaŭ
Zatrymali 28 mihrantaŭ.
Fota: Pamiežnaja słužba Łatvii
U čaćvier, 20 žniŭnia, u Krasłavie pamiežniki zatrymali 28 čałaviek, jakija niezakonna pierasiekli dziaržaŭnuju miažu praz vykapany z boku Biełarusi padziemny tunel, paviedamilaje Delfi.lv sa spasyłkaj na Dziaržaŭnuju pamiežnuju słužbu.
Vyśviatlajučy abstaviny niezakonnaha pierasiačeńnia dziaržaŭnaj miažy i pravodziačy pahłybleny ahlad prylehłaj terytoryi, pamiežniki prykładna za 20 mietraŭ ad miažy vyjavili zamaskiravany mocham padziemny prachod.
Usie 28 čałaviek byli zatrymanyja pry sprobie niezakonna pierasiekčy dziaržaŭnuju miažu ŭ adpaviednaści z artykułam 4 Zakona ab Dziaržaŭnaj pamiežnaj słužbie i viernutyja ŭ Biełaruś
Heta ŭžo druhi vypadak vykarystańnia tunela dla niezakonnaha pierasiačeńnia dziaržaŭnaj miažy ŭ napramku Łatvii.
Raniej paviedamlałasia, što ŭ paniadziełak, 10 žniŭnia, u Skrudálijenskaj vołaści Aŭhšdaŭhaŭskaha kraja pamiežniki vyjavili 15 čałaviek, jakija niezakonna pierasiekli dziaržaŭnuju miažu praz vykapany z boku Biełarusi padziemny tunel.