Na dnie ciaśniny Kurumdu ŭ Kyrhyzstanie znajšli try cieły
Jak paviedamiŭ kiraŭnik Fiederacyi alpinizmu Eduard Kubataŭ, ź vialikaj vierahodnaściu jany naležać dvum alpinistam ź Biełarusi i adnamu hramadzianinu Litvy, jakija źnikli padčas uzychodžańnia na pik, piša News.kg.
— Pošukavyja raboty zavieršany. My zaraz zafiksavali najaŭnaść troch ciełaŭ na dnie ciaśniny Kurumdu. Ź vialikaj vierahodnaściu hetyja cieły naležać dvum alpinistam ź Biełarusi i Litvy. Ale my možam kazać tolki «ź vialikaj vierahodnaściu», — skazaŭ Kubataŭ.
Pavodle jaho słoŭ, dalejšyja raboty ŭskładniajucca ŭmovami nadvorja. Ratavalniki čakajuć ustojlivaha nadvorja ŭ rajonie pika Kurumdu, paśla čaho płanujecca ŭstanavić asoby zahinułych i vyrašyć pytańnie z transparciroŭkaj ciełaŭ u Oš.
«Heta taksama dastatkova składanaje mierapryjemstva, my čakajem ustojlivaści nadvorja i praciahniem raboty. U harach ciapier niestabilnyja ŭmovy, i siezon alpinizmu zavieršany. Heta vyšynia kala 6,5 tysiačy mietraŭ», — adznačyŭ kiraŭnik Fiederacyi alpinizmu.
43‑hadovy Maksim Palanski, 60‑hadovy Mikałaj Śvirydaŭ ź Biełarusi i 37‑hadovy Siarhiej Rubcoŭ ź Litvy źnikli 2 žniŭnia padčas uzychožańnia na Kurumdu. Z taho času vioŭsia ich pošuk.
Čytajcie taksama:
U MNS Kyrhyzstana abvierhli vyjaŭleńnie cieł źnikłych alpinistaŭ na piku Kurumdu
«Šukać sens jość». Jak iduć pošuki źnikłych u Kyrhyzstanie alpinistaŭ