Dzieviacikłaśnik i navučenka kaledža atrymali pa vosiem hadoŭ za raspaŭsiud narkotykaŭ
Sud prajšoŭ u zakrytym režymie ŭ Jelskim rajonie.
Fihurantam 2009 i 2010 hadoŭ naradžeńnia było vystaŭlena abvinavačańnie pavodle č. 4 art. 328 KK.
Dzieviacikłaśnik z Mazyra i navučenka adnaho z homielskich kaledžaŭ znajšli ŭ internecie prapanovu ab zarobku. Padletki prajšli navučańnie i ŭładkavalisia na pracu narkakurjerami, ale prapracavali mienš za try tydni. Padčas zatrymańnia pry ich, a taksama ŭ tajnikach było vyjaŭlena i kanfiskavana bolš za 250 h asabliva niebiaśpiečnaha psichatropnaha rečyva 4-SMS.
Prysudam suda abodva padletki pryznanyja vinavatymi ŭ niezakonnym, z metaj zbytu, nabyćci, zachoŭvańni i pieravozcy asabliva niebiaśpiečnych psichatropnych rečyvaŭ u bujnym pamiery, učynienych arhanizavanaj hrupaj.
Vynik suda — pa vosiem hadoŭ pazbaŭleńnia voli z adbyvańniem pakarańnia ŭ vychavaŭčaj kałonii biez štrafu.