U harach Kyrhyzstana znajšli pusty namiot źnikłych alpinistaŭ, siarod jakich dvoje biełarusaŭ
Ratavalniki MNS Kyrhyzstana vyjavili pusty namiot alpinisckaj hrupy, jakaja źnikła ŭ harach Ošskaj vobłaści paśla ŭzychodžańnia na pik Karumdu. Na suviaź turysty nie vychodziać z 4 žniŭnia, kali paviedamili pra hatoŭnaść spuskacca ŭ bazavy łahier.
U składzie źnikłaj hrupy — dva biełarusy i adzin hramadzianin Litvy.
Pošukava-vyratavalnyja mierapryjemstvy praciahvajucca na vyšyni kala 5 tysiač mietraŭ z udziełam ratavalnikaŭ, pamiežnikaŭ i hidaŭ-dobraachvotnikaŭ sa Šviejcaryi.
Ambasada Biełarusi ŭ Kyrhyzstanie trymaje suviaź ź miascovymi ŭładami i svajakami źnikłych.