У гарах Кыргызстана знайшлі пусты намёт зніклых альпіністаў, сярод якіх двое беларусаў
Ратавальнікі МНС Кыргызстана выявілі пусты намёт альпінісцкай групы, якая знікла ў гарах Ошскай вобласці пасля ўзыходжання на пік Карумду. На сувязь турысты не выходзяць з 4 жніўня, калі паведамілі пра гатоўнасць спускацца ў базавы лагер.
У складзе зніклай групы — два беларусы і адзін грамадзянін Літвы.
Пошукава-выратавальныя мерапрыемствы працягваюцца на вышыні каля 5 тысяч метраў з удзелам ратавальнікаў, памежнікаў і гідаў-добраахвотнікаў са Швейцарыі.
Амбасада Беларусі ў Кыргызстане трымае сувязь з мясцовымі ўладамі і сваякамі зніклых.