Minčuk złamaŭ šyju padčas adpačynku ŭ Pružanach
Žychar stalicy praihnaravaŭ zabaronu na skački ŭ vadu. Heta jamu kaštavała vielmi doraha.
Miesca zdareńnia
Niaščaście zdaryłasia dniom u subotu ŭ Pružanach na voziery Papiernia.
Tam vakoł pirsa ŭstalavanyja znaki zabarony skačkoŭ u vadu. Sprava ŭ tym, što navat za 7 mietraŭ ad bierahu hłybinia składaje ŭsiaho 130 santymietraŭ.
Ratavalniki nie raz rabili zaŭvahi tym, chto adpačyvaŭ. Ale adzin ź ich usio roŭna nyrnuŭ uniz hałavoj, udaryŭsia ab dno i straciŭ prytomnaść.
Dziažurnyja vyratavali 32‑hadovaha minčuka, paśla čaho jaho terminova špitalizavali ŭ reanimacyju. U paciarpiełaha dyjahnastavali kampresijny pierałom troch šyjnych pazvankoŭ.