Dvuchhadovaja dziaŭčynka vypała z čaćviortaha paviercha ŭ Breście
U piatnicu dniom dziaŭčynka znachodziłasia doma razam z maci. U niejki momant žančyna vyjšła na kuchniu, pakinuŭšy dačku ŭ pakoi, dzie było adčynienaje akno, paviedamiŭ SK.
Kala akna stajali łožak i stoł. Pa ich dzicia zmahło zabracca na padakońnik, paśla čaho vypała z čaćviortaha paviercha.
Viarnuŭšysia ŭ pakoj, maci vyhlanuła ŭ akno i ŭbačyła dačku na ziamli. Prybyłyja miedyki dastavili dziaŭčynku ŭ balnicu, dzie joj akazvajuć nieabchodnuju dapamohu.