Двухгадовая дзяўчынка выпала з чацвёртага паверха ў Брэсце
У пятніцу днём дзяўчынка знаходзілася дома разам з маці. У нейкі момант жанчына выйшла на кухню, пакінуўшы дачку ў пакоі, дзе было адчыненае акно, паведаміў СК.
Каля акна стаялі ложак і стол. Па іх дзіця змагло забрацца на падаконнік, пасля чаго выпала з чацвёртага паверха.
Вярнуўшыся ў пакой, маці выглянула ў акно і ўбачыла дачку на зямлі. Прыбылыя медыкі даставілі дзяўчынку ў бальніцу, дзе ёй аказваюць неабходную дапамогу.