Biełaruskija studenty zavajavali šeść załatych miedaloŭ na Mižnarodnaj matematyčnaj alimpijadzie
U ahulnakamandnym zaliku našy chłopcy stali druhimi.
Fota: Minadukacyi
Studenty fakulteta prykładnoj matematyki i infarmatyki BDU vyjhrali šeść załatych miedaloŭ na 33‑j Mižnarodnaj matematyčnaj alimpijadzie. Uznaharody zavajavali druhakurśniki Vasil Dzianisaŭ i Hleb Ściapanyčaŭ, treciakurśniki Maćviej Vylehžanin i Usiasłaŭ Kraśnienka, a taksama čaćvierakurśniki Maćviej Zorka i Mikita Šutro, paviedamlaje Minadukacyi.
Kiraŭnikami kamandy vystupili pradstaŭniki kafiedry fundamientalnaj matematyki i intelektualnych sistem FPMI BDU: staršy vykładčyk Siarhiej Čarnoŭ i dacent Hanna Zadaražniuk.
Pa kolkaści załatych miedaloŭ kamanda zaniała druhoje miesca siarod 135 univiersiteckich kamand, sastupiŭšy tolki Maskoŭskamu fizika-techničnamu instytutu.
Alimpijada prachodziła z 27 lipienia pa 3 žniŭnia ŭ Błahojeŭhradzie (Bałharyja) i sabrała kala 500 udzielnikaŭ z 48 krain. Studentam treba było vyrašyć 10 zadač z haliny ałhiebry, matematyčnaha analizu, kambinatoryki, analityčnaj hieamietryi i teoryi likaŭ.
Kamanda BDU biare ŭdzieł u alimpijadzie z 2001 hoda. Za hety pieryjad u skarboncy ŭznaharod — 103 miedali, siarod jakich 52 załatyja, u tym liku siem Hran-pry i absalutnyja pieršyja miescy. Kamanda BDU dvojčy stanaviłasia pieršaj u śviecie ŭ ahulnakamandnym zaliku.