Pamiatajecie miłych dzikich koniej na prypynku ŭ Vałožynskim rajonie? Ich tam užo niama
Tarpanaŭ advieźli padalej ad trasy.
Skrynšot videa z sacsietak
Hetym letam tabun dzikich koniej-tarpanaŭ, jakich niekalki hadoŭ tamu vypuścili na volu ŭ rajonie Nalibockaj puščy, nie raz bačyli la darohi M6 Minsk — Hrodna. Asabliva im palubiŭsia prypynak kala vioski Daŭbieni ŭ Vałožynskim rajonie — koni chavalisia tam u cieni ŭ haračyja dni. A niekatoryja cikaŭnyja padychodzili da mašyn.
Skrynšot videa z sacsietak
Ciapier dzikich tarpanaŭ advieźli padalej ad trasy M6.
Rašeńnie pryniała śpieckamisija Vałožynskaha rajvykankama. Pieravozku arhanizavali supracoŭniki zakaźnika «Nalibocki» razam z haspadarkaj «Babrovičy» i DAI, paviedamlaje kanał «Vołožin. Novosti».
Tarpanaŭ advoziać padalej ad trasy. Fota: telehram— kanał «Vołožin. Novosti»
Ciapier koni znachodziacca ŭ časovym valjery ŭ zakaźniku, paźniej ich vypuściać na svabodny vyhuł u bolš biaśpiečnym miescy.