«Jeŭratorh» zapuściŭ novy farmat kram «kala doma»
Kampanija «Jeŭratorh» zapuściła pieršuju kramu novaha farmatu. Jana budzie spałučać u sabie žorstki dyskont i kramu «kala doma». Kali piłotny prajekt pakaža dobryja vyniki, ideju buduć maštabavać, piša Office Life.
Fota: «Jeŭratorh»
Havorka idzie pra «Chit! Dyskont». Pieršuju kramu ŭ novym farmacie adkryli ŭ Minsku na vulicy Haładzieda (mikrarajon Čyžoŭka).
U kampanii kažuć, što ceny ŭ kramie novaha farmatu buduć takimi ž, jak u «Hrošyku», a ŭ niekatorych vypadkach jašče i nižejšymi. Razam z farmatam źmianiłasia i afarmleńnie: ciapier «Chit!» staŭ jarka-sinim.
Asartymient novaj kramy ŭklučaje bolš za 2 tysiačy zapatrabavanych pazicyj: małako, jajki, chleb, bakaleja, harodnina i sadavina, tavary dla doma i inšaje. Pry hetym u «Chit! Dyskont» nie budzie pracavać prahrama łajalnaści dla ŭładalnikaŭ kart «Jeplus».
Fota: «Jeŭratorh»
Rytejler «Jeŭratorh» raźvivaje ŭ Biełarusi sietki troch brendaŭ: «Jeŭraopt» (818 kram na 5 žniŭnia), «Chit!» (198) i «Hrošyk» (131).
Papularnaść kram ź nizkimi cenami raście ŭžo niekalki hadoŭ. U kancy minułaha hoda amal 20% płoščaŭ asnoŭnych FMCG-sietak prypadała na farmat žorstkaha dyskaŭntera. Na hety trend upłyvaje ŭ tym liku i demahrafičny faktar.