Leanarda Dzi Kaprya i žonka miljardera Džefa Biezasa zapuścili sumiesny prajekt
Jaho meta — vyratavać źnikajučyja vidy žyvioł i raślin.
Džef Biezas i Łaren Sančes vyjazdžajuć z hatela na svoj pieradviasielny pryjom u Vieniecyi, Italija, 26 červienia 2025 hoda. Fota: AP Photo/Luca Bruno
Akcior Leanarda Dzi Kaprya razam z žonkaj miljardera Džefa Biezasa Łaren Sančes zapuścili prajekt, kab dapamahčy achovie dzikaj pryrody.
Inicyjatyva nazyvajecca Phoenix Species Project. Prajekt płanuje nakiravać $200 miljonaŭ na dapamohu ŭ adnaŭleńni 100 vidaŭ raślin i žyvioł, jakija znachodziacca pad pahrozaj źniknieńnia, u 30 krainach, piša Vanity Fair.
Paviedamlajecca, što heta najbujniejšaja adnarazovaja dabračynnaja inviestycyja, nakiravanaja vyklučna na vyratavańnie vymirajučych vidaŭ.
Prajekt budzie davać pastajannuju finansavaj padtrymku na praciahu mnohich hadoŭ. Jon budzie supracoŭničać z karennymi narodami, miascovymi supolnaściami, navukoŭcami, uradami i bolš čym 100 arhanizacyjami-partniorami.
Paśla zapusku prahrama budzie adsočvać realny rost papulacyi i skaračeńnie pahroz.